Þorrablót 2007

Þorrablótið var haldið á laugardagskvöld og var mikið fjölmenni í Skjólbrekku. Ekki varð betur séð en að gestir skemmtu sér vel.

Mari-Liis og Max komu með og stóðu sig vel í að smakka á góðgætinu.

Meðfylgjandi myndir voru teknar með símamyndavél og eru þess vegna ekki alveg "eins og venjulega"...
Skemmtinefndin fór á kostum og gerði grín að sveitungum sínum og ekki síst sjálfum sér.

Hér sjást þeir Arngrímur, Jónas Pétur og Sigurður á Gautlöndum (á bakvið kaffikönnuna) í hlutverkum "kaffikvenna" í Strax. Þarna voru rædd hin ýmsu mál er varða sveitina, m.a. fólksfjölgunarskort. Var jafnvel talið að verkþekking væri á undanhaldi.

Takið sérstaklega eftir fléttunum hans Jónasar Péturs!

Við sólar-upp-rás....

Fyrirsögnina kannast þeir við sem sungið hafa í kirkjukór við áramótamessur... Ég er eiginlega með þetta á heilanum núna.

Fyrsta myndin var tekin kl. 10:58 og kostaði truflun á Rope Yoga-tíma. Ég var á skrifstofunni en bara varð að laumast út þegar ég sá þetta út um gluggann.

Næsta mynd var tekin kl. 11:00, nokkurn veginn í öfuga átt við þá fyrstu. Það er SV-hornið á Háuhlíð sem sést neðst í hægra horninu.

Síðustu myndina tók ég kl. 12:31 en þar sést örlítil sneið sólarinnar rétt gægjast á milli Hverfells og Bláfjalls.

Á nýársdag

Það eru engar ýkjur að segja að Inga hafi áhuga á ballett. Hún tekur sig líka heldur betur vel út í þessum kjól sem hún fékk sendan frá "frænku" í Englandi.
Þessar myndir voru teknar seinni partinn á nýársdag, rétt áður en við fórum í H15 (í einiberjakryddað læri).

Gleðilegt ár!

Nú árið er liðið...
og Björgunarsveitin Stefán hélt sína árlegu flugeldasýningu.
Ég er ekki frá því að sýningin hafi verið með betra móti í ár.

Fjölmenni sótti brennuna sem að þessu sinni var höfð rétt vestan við Jarðböðin.

Staðurinn er frábær; næg bílastæði, gott aðgengi og útsýni yfir brennuna og flugeldasýninguna.

Óska öllum þeim sem þetta lesa gleðilegs árs, með þökk fyrir það liðna. Megi nýja árið verða öllum happadrjúgt.